सुनको सिक्री नहोला भाग्यमा
सौभाग्य पोतेले सिंगारिदिनेछु आफूलाई
ढाका र मखमल नहोलान् भाग्यमा
साधारण भेषले छोपिदिनेछु आफूलाई
महलको निन्द्रा नहोला भाग्यमा
तिम्रै अंगालोमा बिलाइदिनेछु आफूलाई
मिठा र महँगा नहोलान् भाग्यमा
तिम्रै गाँसमा रमाइदिनेछु आफूलाई
नामी परिचय नहोला भाग्यमा
तिम्रो सिन्दूरमा रंगाईदिनेछु आफूलाई
चेपारो र चाप्लुसी नहोलान् भाग्यमा
तिम्रो मायाले नै मख्ख पार्नेछु आफूलाई ।
@सबिना थापा
No comments:
Post a Comment